RESUMO DA XORNADA “AVALIACIÓN COGNITIVA E NEUROPSICOLÓXICA EN CENTROS DE MAIORES DE GALICIA” (Lugo)
O pasado 26 de febreiro celebrouse en Lugo con grande éxito de asistencia a derradeira das xornadas sobre avaliación cognitiva e neuropsicolóxica en persoas maiores que a Sociedade Galega de Xerontoloxía e Xeriatría ven desenvolvendo nos últimos meses nas distintas provincias.
A xornada celebrouse na Facultade de Formación do Profesorado do Campus de Lugo da Universidade de Santiago de Compostela e, para esta edición, ademáis dos contidos sobre avaliación e detección do deterioro cognitivo, fixo un maior fincapé en aspectos educativos, en especial coas charlas «Cognición, afecto e educación» impartida por Fina Permuy (Cruz Vermella de A Coruña) e «Visións do envellecemento cognitivo nas diferentes etapas do desenvolvemento.» impartida por Romina Mouriz (Centro Xerontolóxico A Veiga).
