Organización

Saúda do Presidente

Estimados/as socios/as

A Sociedade Galega de Xerontoloxía e Xeriatria é unha sociedade científica interdisciplinaria cuxos principais obxectivos son promover os coñecementos no ámbito da xerontoloxía no seu máis amplo sentido; e dicir, clínicos, biolóxicos psicolóxicos e sociais. Para elo, temos unha sociedade formada por máis de 500 socios procedentes de moi diversas disciplinas que dun modo ou outro deberían aportar o seu coñecemento para mellorar a calidade de vida das persoas maiores da nosa comunidades e por ende de todos os maiores.

Neste sentido, como Presidente da Sociedade serán prioridades da mesma, en primeiro lugar, fomentar a participación de todos os socios en todas as actividades organizadas por nos, así como escoitalos para apoialos en todas as actividades que nos propoñan e que desde a Xunta Directiva se considere que poidan contribuír a difundir o saber xerontolóxico.

Será tamén outra prioridade fomentar a formación de todos os profesionais que dedican a súa actividade á atención e coidados das persoas maiores, tanto desde o sistema sanitario como social ou, incluso, do aínda pendente por delimitar sociosanitario, para o cal tratarase de traballar de xeito conxunto coas tres universidades galegas. Por outra banda, e sendo as persoas maiores o noso obxectivo diana, potenciaremos a colaboración coas sociedades e entidades de persoas maiores a fin de asesorarlles en cantas dúbidas poidan ter acercando o noso saber científico a toda a sociedade galega para desde xeito contribuír a a facer de Galicia o paraíso dos vellos tanto en canto á calidade da atención como do estado de benestar.

Traballaremos de xeito conxunto coa administración e trataremos de influír nela a fin de que as políticas de atención sexan menos “políticas” e máis adaptadas á situación real das persoas maiores buscando sempre o mellor para a sociedade.

Espero, que estes tres anos aos que nos enfrontamos, con moitas gañas de facer cousas, sexan un marco de referencia e que a nosa Sociedade se constitúa no órgano de asesoramento e consultaría que todos os socios pensamos que ten que ser no noso ámbito de actuación.

Moitas grazas a todos por confiar en nós e esperamos non defraudarvos coas nosas iniciativas e bo facer.